Ditsebišo
◼ Dipuku tše di tlago go dirišwa ka January: O ka Hwetša Bjang Khutšo ya Kgonthe le Polokego? ka moneelo wa R3,50. February: O ka Phela ka mo go sa Felego Paradeiseng mo Lefaseng ka moneelo wa R10,50. Dipuku tše dinyenyane ke R5,30. March: Seremo se Segolo sa Kutollo se Batametše! ka moneelo wa R10,50. April le May: Peeletšo ya Morokami ka moneelo wa R30,00 bakeng sa dikgatišo tša gabedi ka kgwedi. Peeletšo ya ngwaga bakeng sa dikgatišo tša gatee ka kgwedi goba peeletšo ya dikgwedi tše tshelelago bakeng sa dikgatišo tša gabedi ka kgwedi ke R15,00. Dipeeletšo tša setlamo ke R19,00 le R9,50 ka go latelana.
◼ Diphuthego di swanetše go dira dithulaganyo tše di swanetšego bakeng sa Segopotšo seo se tlago go binwa lenyaga ka Labohlano, April 14, ka morago ga ge letšatši le sobetše. Le ge go kganyogwa gore phuthego e nngwe le e nngwe e sware monyanya wa yona wa Segopotšo, fela se ka mehla e ka ba seo se sa kgonegego. Moo diphuthego tše dintši ka mehla di dirišago Holo e tee ya Mmušo, mohlomongwe phuthego e tee goba tše oketšegilego di ka hwetša lefelo le lengwe bakeng sa go le diriša mantšiboeng ao. Segopotšo ga se sa swanela go thoma bošego kudu mo batho bao ba sa tšwago go thabela ba hwetšago ba palelwa ke go ba gona go sona. Gape, diboka ga se tša swanela go latelana kudu mo go ka hlokwago nako ya go dumediša baeng pele ga monyanya le ka morago ga wona, go dira dithulaganyo tša thušo e tšwelago pele ya moya bakeng sa ba bangwe goba ya go thabela go kgothatšana mo go tlwaelegilego. Bagolo ka morago ga go ahla-ahla ditaba ka moka, ba swanetše go dira phetho ka ga dithulaganyo tšeo di tlago go thuša gabotse bohle bao ba lego gona Segopotšong gore ba holwe ka botlalo ke tiragalo ye.
◼ Ka Sontaga, April 23, 1995, polelo e kgethegilego ya phatlalatša e tla neelwa diphuthegong ka moka. Sehlogo sa yona e tla ba se se rego, “Bofelo bja Bodumedi bja Maaka bo Kgaufsi.” Kgonthišetšang gore le laletša bohle bao ba tlilego Segopotšong lenyaga. Go tla dirwa boiteko bjo bo kgethegilego bja go thuša barutwana ba dimilione bao go swarwago dithuto tša legae tša Beibele le bona. Tsebišo yeo e tlago go neelwa ka morago ga seboka sa letšatši leo e tla ba kgothaletša gotee le banababo rena ka kakaretšo go lebelela pele ka tetelo-kgolo go tšeeng karolo go phatlalatšeng pampišana e kgethegilego. Ka nako e swanago, e tla hlalosa ka mathata ao batho ba lebeletšanego le ona le go nyakega ga go gata mogato ka go se diege ka go dumelelana le Lentšu la Modimo.
◼ Go thoma ka February, e sego ka morago ga March 5, polelo e mpsha ya phatlalatša ya balebeledi ba tikologo e tla ba yeo e rego, “Thuto Ya Modimo e a Fenya Lefaseng ka Bophara.” Ye e tla ba polelo ya di-slide yeo e bontšhago ka Dikopano tše di kgethegilego tša ditšhaba-tšhaba tša “Thuto ya Modimo,” tše di bego di swerwe ngwageng wa tirelo wa 1993 le wa 1994. Mafelong ao go ona di-slide di ka se bego gona go fihla nakong ya ka morago, balebeledi ba tikologo ba tla nea polelo e rego, “Bota Modimo wa Khomotšo Yohle” gomme ba tšwele pele ka yona go fihla nako yeo di-slide di hwetšwago ka yona. Ge diphuthego ka moka di hweditše polelo ya di-slide, balebeledi ba tikologo ba tla tšwela pele ba nea polelo e rego, “Bota Modimo wa Khomotšo Yohle” go fihlela ge polelo e mpsha ya molebeledi wa tikologo e rulaganyeditšwe mathomong a 1996.
◼ Sebokeng sa Tirelo sa beke ya January 9, bagoeledi ka moka ba ba kolobeditšwego ba ba lego gona ba tla be ba filwe kopi ya motho ka noši ya karata ya Advance Medical Directive/Release le di-Identity Card bakeng sa bana ba bona.
◼ April 1, 1995 e tla ba Letšatši la rena le le kgethegilego la Dimakasine la ngwaga le ngwaga. Nakong e fetilego ba bantši ba thabetše go tšea karolo medirong ya Letšatši le le kgethegilego la Dimakasine. Ke ka baka la’ng o sa thome go rulaganya gona bjale e le gore o tle o be le karolo ka mo go tletšego lenyaga? Diphuthego di swanetše go romela diotara tše kgethegilego tša dimakasine kapejana ka mo go kgonegago.