Diboka Tša Tirelo Tša February
Beke e Thomago ka February 2
10 mets:Ditsebišo tša phuthego. Ditsebišo tše di kgethilwego go tšwa go Tirelo ya Rena ya Mmušo. Ditaba tša Pušo ya Modimo. Gopotša bagoeledi gore ba bege tirelo ya bona ya tšhemo ya January ka pela-pela. Mongwaledi le baswari ba thuto ya puku ba swanetše go kgonthišetša gore dipego ka moka tše di šaletšego tša tirelo ya tšhemo tša dikgwedi tše di fetilego di a tlišwa. Dipego tše tše di šaletšego di swanetše go akaretšwa le pego ya phuthego ya January.
15 mets:“Dihlatse tša Jehofa—Baebangedi ba Therešo.” Dipotšišo le dikarabo. Boeletša lepokisi leo le lego go letlakala 19 ka go Morokami wa September 1, 1992.
20 mets:“Fetišetša Taletšo go yo Mongwe le yo Mongwe yo a Nyorilwego.” Ahla-ahla sehlogo, o bontšha kamoo dithero tšeo di šišintšwego di rulagantšwego ka gona go tsoša kgahlego le go tutuetša batheetši. Dira gore motho yo mogolo a dire pontšho ka dirapa 2-3 goba 4-5 gomme mofsa a dire pontšho ka serapa 6.
Kopelo 208 le thapelo ya go phetha.
Beke e Thomago ka February 9
10 mets:Ditsebišo tša phuthego. Pego ya tša ditšhelete.
15 mets:Tšeo di nyakegago tša phuthego.
20 mets:“Go Nea Bohlatse go Batho ba Maleme ka Moka le Madumedi ka Moka.” (Dirapa 1-10) Dipotšišo le dikarabo. Lokeletša maleme ao a bolelwago ke ba bantši tšhemong ya gabo lena, gomme o bontšhe dipuku tšeo phuthego e nago le tšona setokong bakeng sa maleme ao. Go etša ge go hlalositšwe go serapa 10, dira gore go dirwe pontšho yeo go bontšhwago kamoo go ka dirišwago ka gona pukwana ya Good News for All Nations.
Kopelo 220 le thapelo ya go phetha.
Beke e Thomago ka February 16
5 mets:Ditsebišo tša phuthego.
12 mets:Lebaka Leo ka Lona o Swanetšego go ba Gona Dibokeng tša Phuthego. Mogolo o ahla-ahla dintlha tše dikgolo ka go Morokami wa August 15, 1993, matlakala 8-11, a gatelela bohlokwa bja go ba gona ka mehla dibokeng ka moka.
18 mets:“Go Nea Bohlatse go Batho ba Maleme ka Moka le Madumedi ka Moka.” (Dirapa 11-28) Dipotšišo le dikarabo. Lokeletša madumedi ao e sego a Bokriste ao a lego gona tšhemong ya gabo lena. Dira gore mogoeledi yo a nago le phihlelo a bontšhe kamoo go ka newago bohlatse bja mathomo go motho yo e lego mo-Bhuda, mo-Hindu, mo-Juda goba Momoseleme—le ge e le bofe bjo bo atilego tikologong.
10 mets:“Jehofa ke Mothuši Wa-ka.” Polelo e borutho le e kgothatšago ka mogolo.
Kopelo 15 le thapelo ya go phetha.
Beke e Thomago ka February 23
10 mets:Ditsebišo tša phuthego. Boeletša mpho ya puku ya March. Bolela kgopolo e tee goba tše pedi bakeng sa go sepediša puku ya Tsebo, o diriša dintlha tšeo di tšwago go Tirelo ya Rena ya Mmušo ya June 1996, letlakala 8. Gatelela pakane ya go thoma dithuto tša legae tša Beibele.
15 mets:“Ge e E-ba le Mafelelo a Mabotse, Gona e Diriše!” Dipotšišo le dikarabo. Dira gore mogoeledi o tee goba ba babedi bao ba nago le phihlelo go tšwa go batheetši ba bolele ka boripana ka dithero tšeo ba ilego ba tšwela pele ba di diriša ka baka la go ba bonolo ga dithero le mafelelo ao a di tšweletšago. Ke moka o dire gore ba bangwe ba bolele ka matseno a šišintšwego morago bjale ao a bego a le ka go Tirelo ya Rena ya Mmušo gomme a itlhatsetše e le a atlegago.
20 mets:Itlwaetše Dithero tša Gago. Polelo e kopana yeo e theilwego go Puku ya Tlhahlo ya Sekolo, matlakala 98-9, dirapa 8-9. Gatelela go nyakega ga go hlahlobišiša dithero tša rena le go tsoma ditsela tša go ba bao ba atlegago kudu. Dira gore dikgaetšedi tše pedi di bontšhe kamoo di hlahlobago seo di se dirilego ge di le mojakong, di ahla-ahla kamoo di ka kaonefatšago ka gona. Gape di ba le lenaneo le le kopana la go itlwaetša bakeng sa go leka thero yeo di rulaganyago go e diriša nakong e latelago, di fana ka ditšhišinyo tše di holago. Modula-setulo o phetha ka go kgothaletša bohle gore ba hlahlobe le go itlwaetša dithero tša bona.
Kopelo 103 le thapelo ya go phetha.