Ditsebišo

◼ Mpho ya dipuku ka January: Motho yo a Phagamego Kudu yo a Kilego a Phela ka moneelo wa R15,00 goba Go Tsoma ga Batho Modimo ka moneelo wa R7,50. February: Sephiri sa Lethabo la Lapa ka moneelo wa R5,00 bakeng sa dipuku tša letlalo le thata le R3,75 bakeng sa tša letlalo le boleta goba puku le ge e le efe ya kgale ya matlakala a 192 yeo le nago le yona setokong ka moneelo wa R1,00. March: Tsebo e Išago Bophelong bjo bo sa Felego ka moneelo wa R5,00 bakeng sa puku ya letlalo le thata le R3,75 bakeng sa tša letlalo le boleta goba puku le ge e le efe ya kgale ya matlakala a 192 yeo le nago le yona setokong ka moneelo wa R1,00. Go tla dirwa boiteko bjo bo kgethegilego bja go thoma dithuto tša legae tša Beibele ka puku ya Tsebo. April: Dikopi ka e tee ka e tee tša Morokami le Phafoga! Dira gore o be le poroutšha ya Seo Modimo a se Nyakago bakeng sa batho ba ba thabelago gomme o katanele go thoma dithuto tša legae tša Beibele.

◼ Bagoeledi ka moka bao ba lego gona Sebokeng sa Tirelo ka beke ya January 18 ba tla newa karata ya Advance Medical Directive/Release le Identity Card bakeng sa bana ba bona.

◼ Go thoma ka February le gona e sego ka morago ga March 1, polelo e mpsha ya phatlalatša ya balebeledi ba tikologo e tla ba e rego, “Modimo ke wa Kgonthe Gakaaka’ng go Wena?”

◼ Diphuthego di swanetše go dira dithulaganyo bakeng sa go bina Segopotšo lenyaga ka Labone, April 1, ka morago ga ge letšatši le sobetše. Gaešita le ge polelo e ka thoma e sa le ka pela, go fetišwa ga diswantšhetšo tša Segopotšo ga se gwa swanela go thoma go fihlela ka morago ga ge letšatši le sobetše. Nyakišišang methopong ya lefelong leo gore le tsebe nako yeo letšatši le sobelago ka yona lefelong la gabo lena. Le ge e ka ba e le mo gobotse gore phuthego e nngwe le e nngwe e sware monyanya wa yona wa Segopotšo, ga se ka mehla se se ka kgonegago. Moo diphuthego tše dintši ka tlwaelo di dirišago Holo e tee ya Mmušo, mohlomongwe phuthego e tee goba tše oketšegilego di ka hwetša lefelo le lengwe bakeng sa go le diriša mantšiboeng ao. Moo go kgonegago, re rata go šišinya bonyenyane metsotso e 40 magareng ga mananeo go dumelela nako ya go dumediša baeng, go kgothatša bao ba sa tšwago go thabela le go holwa ka mo go tletšego ke tiragalo. Gape go swanetše gore go naganelwe bontši bja batho le mathata a go emiša dikoloi go akaretša go tliša banamedi le go tlo ba lata. Sehlopha sa bagolo se swanetše go dira phetho ya gore ke dithulaganyo dife tšeo e tla bago tše kaone bakeng sa lefelo leo.

◼ Polelo e kgethegilego ya phatlalatša bakeng sa nako ya Segopotšo sa 1999 e tla newa ka Sontaga, April 18. Sehlogo sa polelo e tla ba se rego, “Bogwera bja Kgonthe le Modimo Gotee le Baagišani.” Go tla newa thulaganyo ya polelo. Diphuthego tšeo di nago le ketelo ya molebeledi wa tikologo, kopano ya tikologo goba letšatši le le kgethegilego la kopano mafelo-bekeng ao di tla ba le polelo e kgethegilego bekeng e latelago. Ga go na phuthego e swanetšego go ba le polelo e kgethegilego pele ga April 18, 1999.

◼ Mokgatlo o rata go bolela tebogo e borutho go bohle bao ba ilego ba arabela kapejana ka go nea banababo rena tlhakodišo ka diatla tše di bulegilego nakong ya dikhuduego tša dipolitiki Lesotho ngwagola.

April 10, 1999, e tla ba Letšatši la rena le le kgethegilego la Dimakasine. Nakong e fetilego ba bantši ba ile ba thabela go ba le karolo medirong ya Letšatši le le kgethegilego la Dimakasine. Ke ka baka la’ng o sa thome go rulaganya gona bjale gore o be le karolo e tletšego lenyaga? Diphuthego di swanetše go romela diotara tše kgethegilego tša dimakasine kapejana ka mo go ka kgonegago.