Ditsebišo

◼ Mpho ya dipuku ka February: Sephiri sa Lethabo la Lapa ka moneelo wa R5,00 bakeng sa dipuku tša letlalo le thata le R3,75 bakeng sa tša letlalo le boleta goba puku le ge e le efe ya kgale ya matlakala a 192 yeo le nago le yona setokong ka moneelo wa R1,00. March: Tsebo e Išago Bophelong bjo bo sa Felego ka moneelo wa R5,00 bakeng sa dipuku tša letlalo le thata le R3,75 bakeng sa tša letlalo le boleta goba puku le ge e le efe ya kgale ya matlakala a 192 yeo le nago le yona setokong ka moneelo wa R1,00. Go tla dirwa boiteko bjo bo kgethegilego go thoma dithuto tša legae tša Beibele ka puku ya Tsebo. April le May: Dikopi tša Morokami le Phafoga! Dira gore o be le poroutšha ya Seo Modimo a se Nyakago bakeng sa batho bao ba thabelago, gomme o katanele go thoma dithuto tša legae tša Beibele.

◼ Go thoma ka beke ya March 22, 1999, go tla balwa puku ya Motho yo a Phagamego Kudu yo a Kilego a Phela Thutong ya Puku ya Phuthego. Tokollo ye ya Tirelo ya Rena ya Mmušo e na le lenaneo la thuto le le feletšego. O ka dira kopi e swantšhitšwego gomme wa e tsenya ka gare ga puku ya gago ya motho ka noši bakeng sa go dira tšhupetšo ya kgaufsi. Taelo ya kamoo matseno a puku a tlago go ahla-ahlwa ka gona e hlaloswa go serapa 5 sehlogong se se rego, “Go Ithuta Puku ya Motho yo a Phagamego Kudu yo a Kilego a Phela” go letlakala 1 la Tirelo ya Rena ya Mmušo ya September 1992.

◼ Diphuthego di swanetše go ngwala Nomoro ya Phuthego ya tšona mangwalong ka moka a go ngwalelana le Mokgatlo, ka ge bontši bja mananeo a rena a computer a nyaka nomoro ye. Tirišano ya lena e botho e lebogwa kudu.

◼ Mongwaledi le molebeledi wa tirelo ba swanetše go hlahloba modiro wa babulamadibogo ka moka ba ka mehla. Ge e ba go e-na le yo mongwe yo a nago le bothata bja go fihlelela diiri tše di nyakegago, bagolo ba swanetše go rulaganyetša gore go newe thušo. Bakeng sa ditšhišinyo, hlahlobang mangwalo a Mokgatlo a ngwaga le ngwaga a S-201 a October 1. Bonang gape le dirapa 12-20 tša pampiri ya ka gare ya Tirelo ya Rena ya Mmušo ya August 1986.

◼ Mokgatlo o laletša bagolo le malapa a bona go dira kgopelo ya go ba baemedi kopanong ya selete kua St. Helena ka December 1999. Ge e ba o e-na le kgahlego, hle ngwala lengwalo, o dire gore le saenwe ke komiti ya tirelo ya gabo lena gomme le romelwe go Mokgatlo ka pela-pela ka mo go ka kgonegago. Ge e ba o amogetšwe, re tla go nea ditaba ka botlalo ka mo go oketšegilego. Sekepe se tla tloga Cape Town ka November 27 gomme se tla boa mo e ka bago ka December 22, gomme se se go nea matšatši a ka bago a 15 o le sehlakahlakeng.

◼ Dipuku tše Difsa Tšeo di Lego Gona:

Go Direga’ng Go Rena ge re E-hwa? (phuthego le batho bohle: R1,20; babulamadibogo: R0,80)—se-Afrikaans, se-Chichewa, se-China, se-Dutch, Sefora, Segerika, se-Shona, Seisemane, Sejeremane, Sepedi, Sepholiši, Sepotokisi, Sesotho, Setaliana, Setswana, se-Swahili, se-Tsonga, se-Venda, se-Xhosa le se-Zulu

Is There A Creator Who Cares About You? (phuthego le batho bohle: R3,75; babulamadibogo: R2,50)—se-Afrikaans, se-Dutch, Sefora, Segerika, Seisemane, Sejeremane, Sepholiši, Sepotokisi le Setaliana

◼ Dikhasete tše Difsa tša Bidio tše di Lego Gona:

Noah—He Walked With God (phuthego le batho bohle: R55,00; babulamadibogo: R45,00)—Seisemane