‘Beela se Sengwe ka Thoko’

Phuthegong ya pele ya Bokriste, go be go na le dinyakwa tša dilo tše di bonagalago tše di bego di nyaka tlhokomelo. Go ya kamoo motho yo mongwe le yo mongwe a bego a atlega ka gona, o be a kgothaletšwa go ‘beela se sengwe ka thoko’ e le moneelo bakeng sa go hlokomela dinyakwa tšeo. (1 Ba-Kor. 16:1-3, bapiša le NW.) Ka baka la go fa kudu ga bona, ka moka ba ile ba thabišwa ke go nea “ditebogo tše dintši tše di direlwago Modimo.”—2 Ba-Kor. 9:11, 12, PK.

Lehono modiro wa lefase ka bophara wa batho ba Jehofa o tšwela pele o gola, o nyaka thekgo e oketšegago ka mehla ya ditšhelete. Ke mo go swanetšego gore le rena re ‘beele se sengwe ka thoko’ ka mehla bakeng sa go thuša go hlokomela senyakwa se. (2 Ba-Kor. 8:3, 4) Go nea dilo tše di bonagalago go ka dirwa ka ditsela tše di fapa-fapanego. (Bona Morokami wa November 1, 2001, matlakala 28-9.) Re lebelela se ka mo go swanetšego e le tokelo yeo e tlišago lethabo la kgonthe.—Dit. 20:35.