O Re’ng go Motšhene wa go Amogela Melaetša ya Mogala?

Mogala ke sedirišwa se se atlegago sa go nea bohlatse bathong bao ba sa hwetšagalego ka gae goba bao ba dulago mašemong ao a sa tsenegego. Lega go le bjalo, batho ba bantši ga ba arabe mogala—motšhene wa go amogela melaetša o a ba arabela. O ka dira’ng ge se se direga? O se bee mogala fase. Go e na le moo, ngwala karabo e lokišeditšwego gabotse yeo o ka e balago mogaleng. Itlwaetše go dira bjalo ka lentšu le le kgahlišago la mokgwa wa poledišano. O ka re’ng?

O ka laletša mong wa ntlo ka borutho gore a be gona Sebokeng se se latelago sa Phatlalatša Holong ya Mmušo. O ka re: “Ke maswabi gore ga se ka go hwetša ka gae. Ge e ba o tla rata go kwa poledišano e theilwego Beibeleng ya [sehlogo sa polelo ya phatlalatša], hle e-tla Holong ya Mmušo ya Dihlatse tša Jehofa. Go laletšwa batho bohle. Le ka mohla ga go tšewe dikoleke.” Ke moka bolela letšatši le nako ya seboka ka mo go kwagalago, gomme o nee leina la setarata goba o hlalose lefelo leo Holo ya Mmušo e lego go lona.

Phafogela batho le ge e le bafe ba bafsa bao ba ka bago gona dibokeng, itsebiše go bona, gomme o ba dire gore ba ikwe ba amogelegile. O se lebale go kgopela go mo swarela thuto ya Beibele ye e sa lefelelwego!