Seo o ka se Bolelago ka Dimakasine

Morokami Sept. 15

“Batho ba dimilione ba dumela gore bao go thwego ke bakgethwa ba na le matla a kgethegilego le gore go a hola go lebiša dithapelo go Modimo ka bona. O nagana’ng ka se? [Dumelela karabo.] Hlokomela se Jesu Kriste a se boletšego. [Bala Johane 14:6.] Se se dira gore ba bangwe ba ipotšiše dipotšišo ka taba ya go lebiša dithapelo go Modimo ka bao go thwego ke bakgethwa. Tokollo ye ya Morokami e ahla-ahla taba yeo ya bohlokwa.”

Morokami Oct. 1

“Batho ba bantši ba ipotšišitše ge e ba le ka mohla mathata ao re a bonago go re dikologa a tla ka a fela—dintwa, bosenyi le ditiro tša botšhošetši. O nagana’ng ka se? [Dumelela karabo.] Beibele e nea kgonthišetšo ye e homotšago. [Bala Psalme 37:10, 11.] Makasine wo o hlalosa lebaka leo ka lona Modimo a sa tšwago a fediša bobe le tlaišego yeo e bo bakago.”

Phafoga! Oct. 8

“Batho ba bantši lehono ba tshwenyegile ka botšhošetši, go akaretša le go dirišwa ga diphedi tšeo di dirišwago e le dibetša. Na o nagana gore mebušo ya batho e ka fediša botšhošetši lefaseng le? [Dumelela karabo.] Beibele e bontšha seo Modimo a ikemišeditšego go se dira. [Bala Hesekiele 34:28.] Makasine wo wa Phafoga! o ahla-ahla tše dingwe tša ditaba tšeo di akaretšwago tabeng ya botšhošetši.”

“Go bonala lehono go na le koketšego e makatšago ya palo ya malapa a motswadi o tee. Beibele e bontšha gore Mmopi wa rena o a kwela bohloko. [Bala Psalme 146:9.] Tokollo ye ya Phafoga! e bontšha kamoo melao ya motheo ya Beibele e ka thušago batswadi ba se nago molekane go godiša bana ba bona ka katlego.”