Seo o ka se Bolelago ka Dimakasine

Morokami January 1

Bala Genesi 2:16, 17. Ke moka o re: “Batho ba bangwe ba re Modimo o tsebile e sa pele gore Adama o be a tla dira sebe. Ba bangwe ba kwa eka temošo ya Modimo e be e tla ba ya boikaketši ge nkabe a be a tseba seo se tlago go direga. O nagana’ng ka se? [Dumelela karabo.] Sehlogo se se thomago go letlakala 13 se hlalosa kamoo Modimo a dirišago bokgoni bja gagwe bja go tseba dilo e sa le pele.”

Phafoga! October–December

“Na o nagana gore megalatheka, di-e-mail, di-chat room le mekgwa e mengwe ya sebjalebjale ya go boledišana le batho e fokoditše go lewa ke bodutu goba e go okeditše? [Dumelela karabo.] E nngwe ya ditšhišinyo tše di tla re thušago go lebeletšana le go lewa ke bodutu še. [Bala Ditiro 20:35.] Makasine wo o nea dikeletšo tše dingwe tše di šomago go tšwa Beibeleng.”

Morokami February 1

“Tlhalo e tlwaelegile kudu lehono. O nagana gore se se bakwa ke’ng? [Dumelela karabo.] Ela hloko keletšo ye yeo e thušitšego banyalani ba bantši. [Bala 1 Bakorinthe 10:24.] Makasine wo o ahlaahla dipelaelo tše tshela tšeo banna le basadi ba di bolelago gomme ya bontšha kamoo go diriša melao ya motheo ya Beibele go thušago ka gona.”

Phafoga! January–March

“Gantši re kwa ka batho bao ba hlanogelwago ke balekane ba bona ba lenyalo, boradipolitiki le ba bangwe. Na o nagana gore go thoma go ba thata go hwetša batho bao ba botegago? [Dumelela karabo.] Batho ba bantši ba nagana gore lengwalo le le a phethagala. [Bala 2 Timotheo 3:1-5.] Makasine wo o hlalosa moo batho bao ba botegago ba ka hwetšwago gona.”