Re Bontšha Gore re Rata ba Bangwe ge re Thekga Jehofa ge a ba Nea Tayo

Ge motho a kgaolwa, seo se šireletša phuthego e bile se thuša go laya badiradibe bao ba sa itsholego. (1Ko 5:6, 11) Ge re thekga tokišetšo yeo re bontšha gore re rata bao Jehofa a ba layago. Se se kgonega bjang mola e le gore ge motho a kgaolwa ka moka bao ba akaretšwago ba kwa bohloko, go akaretša ba ka lapeng le komiti ya boahlodi?

Ge re thekga Jehofa re bontšha gore ga re nyake go senya leina la gagwe e bile re rata melao yeo a re neilego yona ya boitshwaro. (1Pe 1:14-16) Re bontšha le gore re rata motho yoo a kgaotšwego. Le ge tayo e le bohloko, e ka tšweletša “seenywa sa khutšo sa toko.” (Heb 12:5, 6, 11) Re šitišana le tayo ya Jehofa ge e ba re tšwela pele re dirišana le motho yo a kgaotšwego goba yo a ikarotšego. Le gona re swanetše go dula re gopola gore Jehofa o laya batho ba gagwe “go fihla tekanyong e swanetšego.” (Jer 30:11) Re holofela gore motho yo a kgaotšwego o tla itshola gomme a boela go Jehofa. Ge re sa letile gore a boe, re tšwela pele re dirišana le tsela yeo Jehofa a mo layago ka yona e bile re dira sohle seo re ka se kgonago go tiiša segwera sa rena le Jehofa.—Jes 1:16-18; 55:7.

BOGELANG BIDIO YEO E REGO, DULA O BOTEGA KA PELO KA MOKA, KE MOKA LE ARABENG DIPOTŠIŠO TŠE DI LATELAGO:

• 

  Batswadi ba Bakriste ba ikwa bjang ge ngwana wa bona a tlogela go hlankela Jehofa?

• 

  Phuthego e ka thuša bjang lapa leo le nago le yo a kgaotšwego?

• 

  Ke pego efe ya ka Beibeleng yeo e re rutago gore go botegela Jehofa go bohlokwa kudu go feta go botegela ba gabo rena?

• 

  Re ka bontšha bjang gore re botegela Jehofa go feta ba gabo rena?