Na go Lemalela Dino-tagi ke Leabela?

Go ya ka nyakišišo ya morago bjale yeo e begilwego ka go The Journal of the American Medical Association, bo-ra-thutamahlale ba nagana gore go ba bangwe mokgwa wa bona wa go lemalela dino tše tagago mo gongwe ba o abetše ka karolwana e itšego ya leabela. E ipolela e le yeo e kgetholotšego karolwana e nyenyane kudu ya leabela yeo e beago batho kotsing ya go ba batho bao ba lemaletšego dino tše tagago. Lega go le bjalo, bo-ra-thutamahlale ba lemoša gore ga go na karolwana ya leabela yeo e lebišago tabeng ya go lemalela dino-tagi. Hlogo ya sehlopha sa nyakišišo e itše: “Morena yo a lokilego ga se a dira karolwana ya leabela yeo e bakago go lemalela dino-tagi, eupja o dirile yeo e bonagalago e akaretšwa mekgweng ya go nyaka boithabišo.”

Pego e tšwetše pele ka gore: “Banyakišiši ba boletše gore ga go na karolwana le e tee ya leabela, go akaretša le yona ye yeo e bakago dibopego ka moka tša go lemalela dino-tagi. Ba boletše gore batho ba bangwe bao ba bego ba e-na le karolwana ye ya leabela yeo ba ithutilego ka yona ga se ba fetoga batho bao ba lemaletšego dino-tagi, mola ba bangwe bao ba bego ba se na yona ba ile ba fetoga balemaledi ba dino-tagi . . . Mabaka a tša leago le a tša setlogo mo gongwe a ka baka tlhaselo go balemaledi ba bantši ba dino-tagi.”