Ke ka Baka La’ng Motho a E-hwa?

8 Jehofa Modimo o be a rata gore motho a dire lefase ka moka paradeise e botse gore e thabelwe ke batho bohle.—Genesi 1:28

Batho ba be ba tla phela ka mo go sa felego, ge nkabe Adama le Efa ba kwe Jehofa. Ba be ba boditšwe gore ba se ke ba ja sehlare sa go tseba botse le bobe.—Genesi 2:15-17

9 Morongwa o ile a ba yo mobe gomme a diriša noga gore e dire gore Efa le Adama ba se ke ba kwa Modimo.—Genesi 3:1-6

10 Morongwa yo a ilego a fora Efa o ile a tla a bitšwa ‘noga e kgolo, e lego Diabolo le Sathane.’—Kutollo 12:9

11 Jehofa o ile a raka batho bao ba babedi ba gose kwe ka paradeiseng.—Genesi 3:23, 24

12 Adama le Efa ba ile ba ba le bana, eupja lapa ka moka le be le se na lethabo.—Genesi 3:17, 18

13 Ba be ba tla tšofala le go hwa, ka ge Jehofa a be a boletše.—Genesi 3:19; Ba-Roma 5:12

14 Ka gona, ba hwa go swana le diphoofolo.

Meoya ka moka lefaseng e a-hwa.—Mmoledi 3:18-20; Jobo 36:14