Kopelo 206

“Thabang Kholofelong”

(Ba-Roma 12:12)

1. A re lebogeng Modimo

Ka kholofelo’a lethabo.

Ke yona e re tiišago

Go ba ba kgotlelelago.

E etša kef’a tšhirelo

Mesebeng ya Diabolo;

Re phema bobe ka yona

’Me re latela go loka.

2. Re thaba ka kholofelo

Ya ge go tla ba le tsogo

Ya bao ba lego mabitleng

Ba tlogo ba Paradeiseng!

Moo ka mehla le mehla

Batho ba tlil’o holega

Ka tokišetšo’a Modimo

E botho le ya lethabo.

3. Go tiiša kholofelo ye,

’Pelo tša rena di loke.

Re bale ’Ntšu la Jehofa,

A re kwe ge re rapela.

Lethabo le re le nee

Ba bangwe gore ba holwe.

Re se timane ka lona,

Re botše batho ka moka.