Jesu o Hlwekiša Tempele

Ka seruthwane sa ngwaga wa bo-30, Jesu o ile a ya Jerusalema. Batho ba bantši ba be ba tlile motseng wo gore ba tlo keteka Monyanya wa Paseka. Le gona monyanyeng woo, batho ba be ba dira dihlabelo ka diruiwa tempeleng. Ba bangwe ba be ba etla le diruiwa tša bona, eupša ba bangwe ba be ba di reka gona moo Jerusalema.

Ge Jesu a fihla Jerusalema, o ile a hwetša batho ba rekiša diruiwa ka tempeleng. Batho bao ba be ba rekiša dilo ka ntlong ya Jehofa! Jesu o ile a dira eng? O ile a dira sefepi ka dithapo gomme a rakela maeba, dinku le dikgomo ka ntle ga tempele. O ile a wiša ditafola tša barekiši bao gomme a tšholla ditšhelete tša bona. O ile a botša bao ba bego ba rekiša maeba a re: ‘Tlošang dilo tše mo! Tlogelang go rekiša dilo ntlong ya Tate!’

Batho bao ba bego ba le tempeleng ba ile ba makatšwa ke seo Jesu a se dirilego. Barutiwa ba gagwe ba ile ba gopola seo Mangwalo a se boletšego e sa le pele mabapi le Mesia. Mangwalo a be a boletše gore Jesu o be a tlo šireletša ntlo ya Jehofa.

Ka morago, ka ngwaga wa bo-33, Jesu o ile a hlwekiša tempele ka lekga la bobedi. O be a sa dumelele batho gore ba dire dilo tše mpe ntlong ya Tatagwe.