Matseno a Karolo 6

Ge Baisiraele ba fihlile Nageng ya Kholofetšo, ba ile ba dira taberenakele, e lego lefelo leo ba bego ba rapela Jehofa go lona. Baperisita ba be ba ruta setšhaba Molao wa Modimo gomme baahlodi ba se hlahla. Karolo ye e bontšha kamoo diphetho tša rena le dilo tšeo re di dirago di ka kgomago batho ba bangwe ka gona. Moisiraele yo mongwe le yo mongwe o be a swanetše go kwa Jehofa le go thuša batho ba bangwe. Thuša ngwana wa gago go bona kamoo Debora, Naomi, Joshua, Hanna, morwedi wa Jefeta le Samuele ba ilego ba thuša setšhaba ka gona. E bile mmontšhe gore gaešita le batho bao e bego e se Baisiraele, e lego batho ba go swana le Rahaba, Ruthe, Jaele le Bagibeoni, ba ile ba kgetha go dula le Baisiraele ka gobane ba be bona gore Modimo o a ba rata le go ba thekga.