Bakeng sa Bafsa
Moshe o Amogela Kabelo e Kgethegilego
Ditaelo: Dira mošomo wo lefelong le le homotšego. Ge o dutše o bala mangwalo, ipone o le mmogedi o bogetše seo se diregago. Bona tiragalo. Ekwa mantšu. Ikwe kamoo baanegwathwadi ba ikwago ka gona. Dira gore taba e phele.
Baanegwathwadi: Jehofa Modimo le Moshe
Kakaretšo: Jehofa o roma Moshe gore a yo ntšha Baisiraele Egipita a ba etile pele.
1 SEKASEKA DITIRAGALO TŠE.—BALA EKISODO 3:1-14; 4:1-17.
Hlalosa ponagalo ya sehlare seo se tukago mollo, go ya kamoo o se akanyago ka gona.
․․․․․
O nagana gore Moshe o arabela bjang—ponagalong ya gagwe ya sefahlego gotee le lentšung la gagwe—ge a ekwa mantšu ao Modimo a mmotšago ona, ao a lego go Ekisodo 3:4?
․․․․․
Ke maikwelo afe ao o a kwago lentšung la Moshe ge a botšiša Jehofa, ka ge go begilwego go Ekisodo 3:11, 13 le 4:1, 10?
․․․․․
2 NYAKIŠIŠA.
O diriša dilo tšeo o nago le tšona tša go dira nyakišišo, nyakišiša ka mo go oketšegilego ka lefokwana le le rego “ke tla ba seo ke nyakago go ba sona.” (Ekisodo 3:14) Ke ka baka la’ng Jehofa a ile a bolela seo ge a be a araba potšišo ya Moshe mabapi le leina la Gagwe?a
․․․․․
O nagana gore ke ka baka la’ng Moshe a be a dikadika go bolela le Farao? (Go go thuša go hwetša karabo: Bala Numeri 12:3.)
․․․․․
Ke’ng seo se ka bago se dirile gore Moshe a dikadike go bolela le Baisiraelegotee le yena?
․․․․․
3 DIRIŠA SEO O ITHUTILEGO SONA. NGWALA SEO O ITHUTILEGO SONA KA . . .
Tshekamelo ya batho ya go se ipote.
․․․․․
Go botwa ga gago ke Jehofa gotee le bokgoni bja gago.
․․․․․
DINTLHA TŠE OKETŠEGILEGO TŠE O KA DI DIRIŠAGO.
Ke dikarolo dife bophelong bja gago tšeo o sa ipotego go tšona?
․․․․․
Ke ka ditsela dife Jehofa Modimo a ka bonago o na le mohola go sa šetšwe mafokodi a gago?
․․․․․
4 KE KAROLO EFE YA PEGO YE YEO O HWEDITŠEGO E LE E HOLAGO KUDU, GOMME KA BAKA LA’NG?
․․․․․
Bakeng sa go kopiša le/goba go ikgatišetša sehlogo se, eya go www.pr2711.com
Ge e ba o se na Beibele, e kgopele go Dihlatse tša Jehofa, goba o bale dikgatišo tše dingwe tše theilwego beibeleng go www.watchtower.org
[Mongwalo wa ka tlase]
a Dihlatse tša Jehofa di gatiša dipuku le diporoutšha tše dintši tšeo di ka go thušago go dira nyakišišo ge o ithuta Beibele. Bakeng sa tsebišo e oketšegilego, ikgokaganye le Dihlatse tša Jehofa tša lefelong la geno goba o ngwalele bagatiši ba makasine wo.