Ditaba Tša Pušo Ya Legodimo

◆ Alaska e fihleletše tlhora e mpsha ya bagoeledi ba 2053 ka July, e lego koketšego ya 12-lekgolong go feta palo-gare ya ngwagola. Tlhora ya ba bilego gona Kopanong ya Selete ya “Leleme le le Sekilego” ka July e bile 2929, gomme ba 50 ba kolobetšwa.

◆ Ka July, Brazil e fihleletše tlhora yeo e di fetago tšohle ya bagoeledi ba 293 466, e lego tlhora ya yona ya senyane ya ngwaga wa tirelo. Le gona go begilwe tlhora e mpsha ya dithuto tša Beibele tše 369 999.

◆ Fiji e bile le tlhora ya yona ya bagoeledi ya bo-67 lelokelelong ka July, e-na le ba 1534 ba begago. Dithuto tša Beibele di ile tša hlatlogela go 2605.

◆ Go thoma ka September 1990, naga ya French Guiana ka karolong ya ka leboa ya Amerika Borwa e na le ofisi ya lekala ya Mokgatlo wa Watch Tower. Ba bile le tlhora e mpsha ya bagoeledi ba 660 ka July, gomme kopanong ya bona ya selete go bile le batho ba 1479, ba 41 ba kolobetšwa.

◆ Kopanong ya bone ya selete ya Guadeloupe go bile le batho ba 13 021, gomme ba 259 ba kolobetšwa. Tlhora ya bona ya bagoeledi ke 6233.

◆ New Caledonia e bile le tlhora e mpsha ya bagoeledi 1134 ka July, e lego koketšego ya 12-lekgolong.

◆ Papua New Guinea e begile tlhora ya bagoeledi ya botshelela lelokelelong ka ba 2471 ba e-ba le karolo tirelong ka July, e lego seo se bopago koketšego ya 18-lekgolong.

◆ Tahiti e bile le koketšego ya 17-lekgolong ka July ka tlhora e mpsha ya bagoeledi ba 1133, e lego tlhora ya bona ya bo-33 lelokelelong.

◆ Ka July, Thailand e bile le tlhora ya yona ya botshelela bakeng sa ngwaga wa tirelo ka ba 1142 ba begago, e lego koketšego ya 10 lekgolong go feta palo-gare ya ngwagola.

◆ Vanuatu e bile le koketšego ya 36-lekgolong ka July ka tlhora e mpsha ya bagoeledi ba 140. Ba swere dithuto tše 360, seo gape e lego tlhora e mpsha.