Ditaba Tša Pušo Ya Legodimo

Afrika Borwa: Go ya bofelong bja 1992 Diholo tše di latelago tša Mmušo di ile tša phethwa: KaNyamazane Central (kgaufsi le Nelspruit), Katlehong (kgaufsi le Alberton—moago wo o nago le diholo tše pedi o agilwe ka mafelo-beke a mararo ka October gomme o tla dirišwa ke diphuthego tše nne), Meyerton (holo e nngwe yeo e agilwego ka lebelo) le Cala le Lugangeni kua Transkei.

Ngwageng wa almanaka wa 1992, Diholo tše 34 tša Mmušo di ile tša neelwa go Jehofa. Ye ke palo e phagamego kudu bakeng sa ngwaga o tee feela Afrika Borwa. Re leboga bohle bakeng sa thekgo ya bona ya ka pelo ka moka ka tsela ye. Eka re ka tšwela pele re kgomaretše lebelo le le lebotse gomme re tšwele pele re lebeletše go Jehofa go tšohle tšeo re di dirago.

Australia: Go fihleletšwe tlhora e mpsha ya bagoeledi ba 57 272 ka August, gwa wetšwa ngwaga wa tirelo ka bagoeledi ba 1541 go feta tlhora ya bona ya nakong e fetilego. Go begilwe tlhora e phagamego yeo e sa kago ya fihlelelwa ya dithuto tše 31 712 tša Beibele.

Cyprus: Ka August ba bile le tlhora ya bona ya boseswai ya bagoeledi bakeng sa ngwaga wa tirelo, gwa bega ba 1433. Ye e be e le koketšego ya 9 lekgolong go feta palo-gare ya ngwagola.

Dominican Republic: Go bile le ba 15 418 bao ba begilego ka August, gomme ba fihleletše koketšego ya bagoeledi ya 20 lekgolong go feta ngwaga o fetilego wa tirelo. Bagoeledi bao ba fetago 20 lekgolong ba tirelong ya nako e tletšego.

Ghana: Go fihleletšwe koketšego ya 18 lekgolong go feta palo-gare ya ngwagola ya bagoeledi ka August, go e-na le ba 37 676 bao ba begago tirelo ya tšhemo.

Puerto Rico: Tlhora e mpsha ya bagoeledi ba 25 315 ba begile ka August.

Togo: Go fihleletšwe koketšego ya 28 lekgolong go feta palo-gare ya ngwagola ka August. Ngwaga wa tirelo o fedile go e-na le bagoeledi ba 7100 bao ba begago. Go be go e-na le batho ba 728 ba bafsa bao ba kolobeditšwego ngwageng.