Ditaba Tša Pušo Ya Modimo

Afrika Borwa: Lenaneo la go agwa ga Diholo tša Mmušo le ile la thoma gabotse bakeng sa ngwaga wa tirelo wa 1998. Dikgweding tša pele tše pedi, go ile gwa neelwa Diholo tša Mmušo tše tshelelago: Bapong (Brits), Edendale East (Pietermaritzburg), Gopane (Zeerust), Inadi (Greytown), Mataleng (Barkly West) le Molepolole (Botswana). Go dirwa dithulaganyo tša go neela diholo tše dingwe tše 12.

Mokgatlo o rata go le reta bakeng sa meneelo ya lena ya go fa kudu ya kgwedi le kgwedi ye e yago Sekhwameng sa go Agwa ga Diholo tša Mmušo. Se se feleleditše ka gore sekhwama se oketšwe e le ka kgonthe. Go Diholo tša Mmušo tše 31 tšeo di neetšwego ga e sa le go tloga ka July 1996, Brooklyn e thušitše ka dikadimo tše pedi feela; dikadimo tše dingwe ka moka di ile tša lefelelwa ka meneelo ya lena. Ka ge go sa dutše go e-na le go nyakega mo gogolo ga Diholo tša Mmušo, kudu-kudu mafelong a magaeng, re le kgothaletša gore le tšwele pele le neela sekhwameng se.