Dikgopotšo Tša Segopotšo

Monyanya wa Segopotšo o wela go Sontaga, March 23. Bagolo ba swanetše go ela hloko ditaba tše di latelago:

◼ Ge le bea nako bakeng sa seboka, kgonthišetšang gore diswantšhetšo ga di fetišwe go ba go fihla ka morago ga ge letšatši le sobetše.

◼ Yo mongwe le yo mongwe go akaretša le seboledi, o swanetše go tsebišwa ka nako e nepagetšego le lefelo la monyanya.

◼ Mohuta o swanetšego wa senkgwa le beine di swanetše go hwetšwa gomme di lokišetšwe.—Bona Morokami wa February 15, 1985, letlakala 17.

◼ Dipoleite, digalase le tafola e swanetšego le lešela la tafola, di swanetše go tlišwa holong le go bewa mo di swanetšego e sa le pele.

◼ Holo ya Mmušo goba lefelo le lengwe la seboka le swanetše go hlwekišwa ka mo go tletšego nako e sa le gona.

◼ Bahlokomedi le basepediši ba swanetše go kgethwa le go newa ditaelo e sa le pele mabapi le tshepedišo e swanetšego le mediro ya bona.

◼ Go swanetše go dirwa dithulaganyo tša go sepedišetša le ge e le mang wa batlotšwa yo a babjago gomme a sa kgone go ba gona.

◼ Ge e ba go rulagantšwe menyanya e fetago o tee Holong e tee ya Mmušo, go swanetše go ba le tirišano e botse magareng ga diphuthego e le gore go phengwe pitlagano e sa nyakegego botsenong, mejakong, ditsejaneng tša ka thoko tša batho bohle le dikarolong tša go phaka dikoloi.