Seo o ka se Bolelago ka Dimakasine

Morokami Nov. 15

“Batho ba bantši ba kganyoga go phela gabotse mmeleng le go phela bophelo bjo bo telele. Eupša ge e ba go be go kgonega, na o be o ka nyaka go phela ka mo go sa felego? [Dumelela karabo. Ke moka o bale Johane 17:3.] Makasine wo o bolela ka kholofetšo ya Beibele ya bophelo bjo bo sa felego. Le gona, o bolela le kamoo bophelo bo tlago go ba ka gona ge kholofetšo yeo e phethagala.”

Morokami Dec. 1

“Seka se sengwe seo se hlaolago batho go diphoofolo ke bokgoni bja go tseba phapano magareng ga se se lokilego le se se fošagetšego. Ka manyami, batho ba bantši ba dira dilo tše mpe. O nagana gore seo se bakwa ke eng? [Dumelela karabo. Ke moka o bale Jeremia 17:19 goba Kutollo 12:9.] Makasine wo o bolela ka seo se ka re thušago go tseba le go dira botse.”

Phafoga! Dec. 8

“Nywageng e 20 e fetilego, go dirilwe kgatelopele e kgolo kudu mabapi le go kwešiša AIDS le kamoo e ka alafšago ka gona. Lega go le bjalo, batho ba bantši ba sa dutše ba forwa. [Bontšha lepokisi leo le rego “Maaka ao a Bolelwago ka AIDS,” gomme o dumelele karabo.] Makasine wo o bontšha kamoo batswadi ba ka šireletšago bana ba bona ka gona.” Bala Doiteronomio 6:6, 7.

“Kgatelopele ya tša thekinolotši ga se ya fetola senyakwa sa motheo sa batho sa go nyaka bagwera. Eupša na o hlokometše gore diphetogo tšeo di diregago setšhabeng di ka dira gore go hlagolela bogwera bja kgaufsi e be tlhohlo lehono? [Dumelela karabo. Ke moka o bale Diema 18:24.] Makasine wo o ahla-ahla kamoo re ka dirago le go kgomarela bagwera ba kgonthe ka gona.”