Dikgopotšo Tša Segopotšo

Monyanya wa Segopotšo lenyaga o tla ketekwa ka Labone, March 24. Bagolo ba swanetše go ela hloko ditaba tše di latelago:

◼ Ge le bea nako bakeng sa seboka, kgonthišetšang gore diswantšhetšo ga di fetišwe go ba go fihla ka morago ga ge letšatši le sobetše.

◼ Yo mongwe le yo mongwe go akaretša le seboledi, o swanetše go tsebišwa ka nako e nepagetšego le lefelo la monyanya.

◼ Mohuta o swanetšego wa senkgwa le beine di swanetše go hwetšwa gomme di lokišetšwe.—Bona Morokami wa February 15, 2003, matlakala 14-15.

◼ Dipoleite, digalase le tafola e swanetšego le lešela la tafola, di swanetše go tlišwa holong e sa le pele le go bewa mo di swanetšego.

◼ Holo ya Mmušo goba lefelo le lengwe la seboka le swanetše go hlwekišwa gabotse nako e sa le gona.

◼ Bahlokomedi le basepediši ba swanetše go kgethwa le go newa ditaelo e sa le pele mabapi le mediro ya bona, tshepedišo e swanetšego yeo e tlago go latelwa le go nyakega ga go apara le go itokiša ka tsela e hlomphegago.

◼ Go swanetše go dirwa dithulaganyo tša go išetša le ge e le ofe wa batlotšwa yo a babjago gomme a sa kgone go ba gona diswantšhetšo.

◼ Ge e ba go rulaganyeditšwe gore diphuthego tša go feta e tee di diriše Holo e tee ya Mmušo, go swanetše go ba le tirišano e botse magareng ga diphuthego e le gore go phengwe pitlagano e sa nyakegego mejakong, ditsejaneng tša ka thoko tša batho bohle le mafelong a go paka dikoloi.