Seo o ka se Bolelago ka Dimakasine

Morokami May 1

Bala Mateo 24:3. Ke moka o bolele gore: “Ba bangwe ba nagana gore potšišo ye e mabapi le bofelo bja lefase la rena. Na o nagana gore lefase le tla senywa? [Dumelela karabo.] Karabo ya Jesu e re nea selo seo re ka fagahlelago go sona—e sego bofelo bja lefase, eupša bofelo bja selo se sengwe. Sehlogo se se lego go letlakala 16 se ahla-ahla taba ye ka mo go oketšegilego.

Awake! Apr—Jun.

“Batho ba bantši ge ba lebeletšane le mathata ba nagana gore ba otlwa ke Modimo. Na o kile wa ikwa ka tsela yeo? [Dumelela karabo. Ke moka o bale Jakobo 1:13.] Sehlogo se se hlalosa mothopo wa kgonthe wa mathata a rena le lebaka leo ka lona re ka bago le kgodišego ya gore mathata a rena a tla fela kgaufsinyane.” Bolelela sehlogo se se thomago go letlakala 29.

Morokami June 1

“Go na le dipuku tše dintši lehono tšeo di bolelago ka go godiša bana, lerato le go ikgotsofatša. Na wena ka noši o hweditše e le tše di holago? [Dumelela karabo.] Ba bantši ba hlokomologa mothopo o latelago wa keletšo e ka botwago. [Bala 2 Timotheo 3:​16.] Makasine wo o hlalosa lebaka leo ka lona re ka botago Beibele gomme o nea mehlala ya keletšo e šomago yeo e lego ka go yona.”

Awake! Apr—Jun.

“Batho ba bantši lehono ba belaela ka tša ditšhelete, kudu-kudu dinakong tše tša mathata a tša boiphedišo. Na o dumela seo? [Dumelela karabo.] Ela hloko keletšo ye e šomago. [Bala 1 Timotheo 6:​8, 10.] Makasine wo o hlalosa e mengwe ya melao ya motheo ya Beibele bakeng sa go re thuša go laola ditšhelete tša rena ka tsela yeo e tlago go re tlišetša khutšo ya monagano.”