Seo o ka se Bolelago ka Dimakasine

Morokami March 1

Bala Ekisodo 20:15. Ke moka o re: “Gaešita le ge batho ba bantši ba leka go latela molao wo, ba bangwe ba nagana gore go utswa le mehuta e mengwe ya go se botege di ka lokafatšwa maemong a mabe kudu. O nagana’ng ka se? [Dumelela karabo.] Sehlogo se se hlalosa mehola ya go dula re botega.” Bolelela sehlogo seo se thomago go letlakala 12.

Phafoga! January-March

“Na o a dumela gore malapa a lebeletšana le ditlhohlo tše dintši lehono? [Dumelela karabo.] Ba bantši ga ba lemoge keletšo e šomago yeo e hwetšwago ka Beibeleng. Mohlala ke wo. [Bala lengwalo le le tšwago ka makasineng.] Tokollo ye e kgethegilego ya Phafoga! e bontšha kamoo melao ya motheo ya Beibele e ka thušago malapa go lebeletšana ka katlego le maemo a fapa-fapanego.”

Morokami April 1

“Ge ba bantši ba botšišwa gore ke mang monna yo a kgomilego batho kudu historing, ba re ke Jesu. Na le wena o be o tla kgetha yena? [Dumelela karabo.] Ela hloko lebaka leo re swanetšego go leka go hlahlobišiša dikgopolo tše di thulanago mabapi le yena gore re kgone go ithuta therešo. [Bala Johane 17:3.] Kgatišo ye e kgethegilego ya Morokami e bontšha seo ge e le gabotse Beibele e se bolelago ka Jesu le dithuto tša gagwe.”

Phafoga! January-March

“Na o lebelela bodumedi e le mothopo wa lerato le khutšo goba wa lehloyo le bošoro? [Dumelela karabo.] Go bonagala ba bantši ba sa diriše mantšu a a Jesu. [Bala Mateo 5:44, 45.] Sehlogo se se araba potšišo e rego, Na go a kgonega gore motho a rate manaba a gagwe?” Bolelela sehlogo seo se thomago go letlakala 26.