Bidio ya Young People Ask—How Can I Make Real Friends?

Jehofa o bopetše batho gore ba phele mmogo gomme ba be le bagwera. (Die. 17:17; 18:1, 24) E le gore tswalano ya rena le bagwera ba rena e be e holago, re swanetše go ba kgetha ka kelohloko. (Die. 13:20) Ka morago ga go bogela bidio ya Young People Ask—How Can I Make Real Friends?, na o ka kgona go araba dipotšišo tše di latelago?

Matseno:

(1) Mogwera wa kgonthe ke wa mohuta mang?

Roadblocks to Friendship:

(2) Motho a ka fenya bjang maikwelo a go ipona a tshedišwa mahlo? (Bafil. 2:4) (3) Ke ka baka la’ng re swanetše go ikemišetša go kaonefatša semelo sa rena, gomme ke mang yo a ka re thušago go dira seo? (2 Bakor. 13:11) (4) Re ka bula bjang dibaka tša gore re be le bagwera ba oketšegilego?—2 Bakor. 6:13.

Friendship With God:

(5) Re ka hlagolela bjang tswalano ya kgauswi le Jehofa, gomme ke ka baka la’ng re ka se itsholele go dira seo? (Ps. 34:8) (6) Ge e ba re dira gore Jehofa e be mogwera wa rena yo mogolo, re ka ba le bagwera ba mohuta ofe ba holago gare ga batho?

The Wrong Kind of Friends:

(7) Ke bomang bao e lego bagwera ba babe? (1 Bakor. 15:33) (8) Bagwera ba babe ba ka wetša bjang motho kotsing ya moya?

A Modern-Day Drama:

(9) Pego ya Beibele ya mabapi le Dina e re ruta eng? (Gen. 34:1, 2, 7, 19) (10) Tara o ile a lokafatša bjang segwera sa gagwe le bafsa ba sa dumelego? (11) Bagwera ba Tara ba ile ba mmea dikotsing dife? (12) Ke ka baka la’ng batswadi ba Tara ba ile ba palelwa ke go bona kotsi yeo a bego a wetše ka gare ga yona, eupša ba ile ba mo thuša bjang gore a lokiše tswalano ya gagwe le Jehofa? (13) Kgaetšedi wa mmulamadibogo o ile a bontšha bjang gore ke mogwera wa kgonthe wa Tara? (14) Ke eng seo Tara a ilego a bona gore o dirile phošo ka sona?

Phetho:

(15) O ithutile dithuto dife bidiong ye? (16) O ka diriša bjang bidio ye go thuša ba bangwe?

Anke re kgetheng bagwera bao ba tlago go re thuša go dula re na le tswalano e bohlokwahlokwa maphelong a rena—tswalano ya rena le Modimo!—Ps. 15:1, 4; Jes. 41:8.