Thuša Barutwana ba Gago ba Beibele go ya Dibokeng

Diboka tša Bokriste ke karolo e bohlokwa ya borapedi bja therešo. (Ps 22:22) Bohle bao ba bokanago e le gore ba rapele Jehofa ba le mmogo, ba hwetša lethabo le ditšhegofatšo. (Ps 65:4) Gantši barutwana ba Beibele ba tšwela pele gabotse ge ba eba gona dibokeng ka mehla.

O ka thuša bjang barutwana ba gago ba Beibele gore ba ye dibokeng? Dula o ba mema gore ba tle. Ba bontšhe bidio yeo e rego Ke Eng Seo se Diregago Holong ya Mmušo? Ba hlalosetše mehola ya go ba gona dibokeng. (lff thuto 10) O ka ba anegela seo o ithutilego sona dibokeng goba wa ba botša seo re tlago go ithuta sona dibokeng tše di latelago. Ba nee dikgatišo tšeo di tlago go dirišwa. Le gona, ba nee thušo yeo ba e hlokago. Mohlomongwe ba hloka senamelwa sa go ya dibokeng. Selo se sengwe le se sengwe seo o ka se dirago go ba thuša gore ba tle dibokeng ka lekga la mathomo, e ka se be sa lefeela.—1Ko 14:24, 25.

BOGELANG BIDIO YA THUŠA BARUTWANA BA GAGO BA BEIBELE GO YA DIBOKENG, KE MOKA LE ARABENG DIPOTŠIŠO TŠE:

• 

  Maki o ile a diriša sebaka sefe go memela Jane dibokeng?

• 

  Ke ka baka la’ng re thaba ge morutwana wa Beibele a etla dibokeng?

• 

  Go diregile’ng ka Jane ge a be a eya dibokeng la mathomo?