MAHUMO AO A LEGO KA LENTŠUNG LA MODIMO

Kgetha Gabotse Motho yo o Tlago go Nyalana le Yena

Solomone ka bošilo o ile a nyala basadi ba go rapela medimo ya maaka (1Dik 11:1, 2; w18.07 18 ¶7)

Ganyenyane-ganyenyane basadi ba Solomone ba ile ba mo dira gore a hlanogele Jehofa (1Dik 11:3-6; w19.01 15 ¶6)

Jehofa o ile a galefela Solomone (1Dik 11:9, 10; w18.07 19 ¶9)

Diswantšho: Kgaetšedi yo a sa nyalago o dira thuto ya motho ka noši e bile o nagana ka ngwanabo rena yo a sa nyalago. 1. Ngwanabo rena yoo o a araba dibokeng. 2. Ngwanabo rena yoo o teroling. 3. O thuša go lokiša Holo ya Mmušo.

Lentšu la Modimo le eletša Bakriste bao ba sa nyalago gore ba nyale “feela Moreneng.” (1Ko 7:39) Eupša taba ya gore motho o kolobeditšwe ga e mo dire gore e be molekane yo a go swanelago. Na motho yoo o tla go thuša gore o hlankele Jehofa ka moya ka moka? Na ke kgale a bontšha gore o rata Jehofa ka nnete? Pele o ka dumela go nyala, iphe nako ya go tseba motho yoo gabotse.