Mongwalo wa Tlase
a Lengwalong le le yago Lefelong leo go dirwago ditšhelete tša tšhipi la November 20, 1861, Mongwaledi wa Matlotlo Salmon P. Chase o ngwadile gore: “Ga go na setšhaba seo se ka bago le matla ka ntle le ge se newa matla ke Modimo, goba se ka šireletšegago ka ntle le ge A se šireletša. Go bota ga batho ba rena Modimo go swanetše go bontšhwa ditšheleteng tša rena tša tšhipi tša setšhaba.” Ka baka leo, moano o rego “Re Botile Modimo” o ile wa thoma go tšwelela tšheleteng ya tšhipi yeo e neeletšanwago ya kua United States ka 1864.
2 Ka ge re le Bakriste ba therešo, re swanetše go dira se se fetago go fo bolela gore re bota Jehofa. Bjalo ka ge “tumêlô e hwile xe e se n’e medirô,” ka mo go swanago boipolelo le ge e le bofe bja gore re bota Modimo ga bo na morero ka ntle le ge bo thekgwa ke mediro ya rena. (Jakobo 2:26) Sehlogong se se fetilego re ithutile gore go bota ga rena Jehofa go bontšhwa ge re retologela go yena ka thapelo, ge re tsoma tlhahlo ka Lentšung la gagwe le ge re lebelela tlhahlo mokgatlong wa gagwe. Ga bjale anke re eleng hloko kamoo re ka gatago megato yeo e meraro dinakong tša tlalelo.