Mongwalo wa Tlase
d Dikgatišo tše tše di theilwego Beibeleng ga di kgothaletše kalafo le ge e le efe ka go lebanya, ka ge di lemoga gore ye ke taba ya kgetho ya motho ka noši. Go e na le moo, dihlogo tše di ahla-ahlago malwetši goba ditšharakano tše lebanyago di reretšwe go tsebiša babadi dintlha ka tsela yeo di tsebjago ka yona gona bjale.
14 Ka mohlala, tokollo ya Phafoga! ya February 8, 2001, e ile ya bontšha lelokelelo la dihlogo tša sehlogo sa ka ntle seo se rego “Khomotšo Bakeng sa Balwetši.” Dihlogo tše di neile melao ya motheo ya Beibele yeo e thušago gotee le tsebišo yeo e hweditšwego ge go boledišanwa le batho bao ba nago le tsebo bao ba phetšego ka malwetši a golofatšago ka nywaga e mentši. Sehlogo se se rego “O ka Phela Bjang ka Katlego le Bolwetši bja Gago?” se neile keletšo e latelago: Ithute mo gontši kamoo o ka kgonago mabapi le bolwetši bja gago. (Diema 24:5) Ipeele dipakane tše di fihlelelegago, go akaretša dipakane tša go thuša ba bangwe, eupša lemoga gore o ka fo se kgone go fihlelela dipakane tše swanago le tšeo ba bangwe ba ka di fihlelelago. (Ditiro 20:35; Ba-Galatia 6:4) Phema go ikarola. (Diema 18:1) Dira gore ba bangwe ba thabele go go etela. (Diema 17:22) Go feta tšohle, kgomarela tlamo ya kgaufsi le Jehofa gotee le phuthego. (Nahume 1:7; Ba-Roma 1:11, 12) Na ga re thabele tlhahlo e ka botwago yeo Jehofa a e neago ka mokgatlo wa gagwe?