Mongwalo wa Tlase
a Lešika la gabo Jesu bjalo ka ge le begilwe ke Mateo, le bolela basadi ba bane ka maina—Tamara, Rahaba, Ruthe le Maria. Ka moka ga bona ba hlompšha kudu ka Lentšung la Modimo.—Mateo 1:3, 5, 16.
9. Boemo bja kgopolo bja Jehofa ka Rahaba le ka basadi ba bangwe ba Bakriste ba lekgolong la pele la nywaga bo ka kgothatša bjang basadi ba bangwe lehono? O Ile a Putswa ka Baka la Bohlale bja Gagwe
9 Go tloga lekgolong la pele la nywaga go ba go fihla lehono, basadi ba bangwe ba Bakriste ka go swana le Rahaba ba tlogetše tsela ya bophelo ya boitshwaro bjo bo gobogilego e le gore ba thabiše Modimo. (1 Ba-Korinthe 6:9-11) Ka ntle le pelaelo ba bangwe ba bona ba goletše tikologong e swanago le ya Kanana ya bogologolo, moo boitshwaro bjo bo gobogilego bo bego ba atile gomme e bile bo lebelelwa e le setlwaedi. Lega go le bjalo, ba tutuetšwa ke tumelo e theilwego tsebong e nepagetšego ya Mangwalo, ba ile ba fetoša ditsela tša bona. (Ba-Roma 10:17) Le gona, go ka bolelwa ka basadi ba bjalo gore “Modimo ga a na dihlong ka bona, go bitšwa Modimo wa bona.” (Ba-Hebere 11:16, PK) A tokelo e kaakang!