-
Bontšha Gore o Leboga Mpho ya BopheloO ka Thabela Bophelo go ya go Ile!—Ithute Beibele le Rena o tla Bona
-
-
1. Ke ka baka la eng re swanetše go leboga bophelo?
Re swanetše go leboga bophelo ka gobane ke mpho yeo e tšwago go Tatago rena yo a re ratago kudu e lego Jehofa. Ka ge bophelo bo etšwa go yena, ke yena “mothopo wa bophelo.” (Psalme 36:9) Le gona, Beibele e re: “Yena ka noši o nea batho ka moka bophelo le mohemo le dilo ka moka.” (Ditiro 17:25, 28) Jehofa o re fa dilo ka moka tšeo re di hlokago gore re phele. E bile o re fa le dilo tšeo di dirago gore re ipshine ka bophelo.—Bala Ditiro 14:17.
-
-
Bontšha Gore o Leboga Mpho ya BopheloO ka Thabela Bophelo go ya go Ile!—Ithute Beibele le Rena o tla Bona
-
-
2. Re ka bontšha Jehofa bjang gore re leboga mpho yeo a re filego yona ya bophelo?
Jehofa o thomile go go rata ge mma wa gago a se no thoma go go ima. E bile o ile a dira gore Dafida yo a bego a mo hlankela a ngwale gore: “Mahlo a gago a mpone ke sa thoma go bopega.” (Psalme 139:16) Bophelo bja gago bo bohlokwa kudu go Jehofa. (Bala Mateo 10:29-31.) O kwa bohloko kudu ge motho a ka ipolaya goba a bolaya motho yo mongwe.a (Ekisodo 20:13) Le gona o kwa bohloko kudu ge re bea maphelo a rena le a batho ba bangwe kotsing ka boomo. Ge re itlhokomela e bile re hlompha maphelo a batho ba bangwe, re bontšha gore re hlompha mpho e botse yeo Modimo a re filego yona ya bophelo.
-
-
Bontšha Gore o Leboga Mpho ya BopheloO ka Thabela Bophelo go ya go Ile!—Ithute Beibele le Rena o tla Bona
-
-
5. Hlompha bophelo bja ngwana yo a sa imilwego
Dafida o ile a bolela gore Jehofa o na le taba le bophelo bja leseana leo le sa lego ka popelong, le dilo ka moka tšeo di diregago ka leseana leo. Balang Psalme 139:13-17, gomme le boledišaneng ka potšišo e latelago:
Go ya ka Jehofa, na bophelo bja motho bo thoma ge a sa imilwe goba ge a belegwa?
Jehofa o ile a nea Baisiraele melao yeo e bego e šireletša bomma le bana ba bona bao ba sa ba imilego. Balang Ekisodo 21:22, 23, gomme le boledišaneng ka dipotšišo tše di latelago:
Jehofa o be a ikwa bjang ka motho yo a bego a ka bolaya ka phošo leseana leo le sa imilwego?
O be a ikwa bjang ka motho yo a bego a ka bolaya leseana leo ka boomo?b
Wena o ikwa bjang ka molao wo Jehofa a bego a o neile Baisiraele lengwalong le?
Le ge mosadi yo a imilego a hlompha bophelo, ka dinako tše dingwe a ka bona eka o na le lebaka le le kwagalago la go ntšha mpa. Balang Jesaya 41:10, gomme le boledišaneng ka dipotšišo tše di latelago:
Ge e ba mosadi yo a imilego a ikwa a gapeletšega go ntšha mpa goba batho ba bangwe ba mo gapeletša, o swanetše go kgopela thušo go mang? Go re’ng o re’alo?
-
-
Bontšha Gore o Leboga Mpho ya BopheloO ka Thabela Bophelo go ya go Ile!—Ithute Beibele le Rena o tla Bona
-
-
b Batho bao ba kilego ba ntšha mpa ga se ba swanela go ikwa ba le molato kudu ka gobane Jehofa a ka ba lebalela. Ge o nyaka go kwa ditaba tše dingwe mabapi le go ntšha mpa, bala sehlogo seo se rego: “Modimo o Ikwa Bjang ka go Ntšha Mpa?” seo se lego ka tlase ga karolo e rego, Ithute ka mo go Oketšegilego thutong yona ye.
-