Luka 22:​7, 8 e nea nako ka gore: “Xwa tla letšatši la dinkxwa di se naxo komêlô, la xo hlaba kwana ya Paseka. Jesu a roma Petro le Johane, a re: Yang Le re lokišetšê Paseka, re tlê re jê.” Pego e iša pele ka gore, “Le bolêlê le mong wa ngwakô woo Le re: Moruti ó re: Ngwakô o kae wo nkaxo jêla Paseka xo wôna le barutiwa ba-ka?” Ka gona mantšiboeng ao Jesu o be a le gotee le ba 12 bakeng sa go bina monyanya wa Sejuda. O ile a ba botša gore: “Ke hloloxetšwe xa-xolo-xolo xo ja Paseka yé le lena kè sešo ka hlokofatšwa.”​—Luka 22:​11, 15.

Eupja Jesu o be a “hloloxetšwe xa-xolo-xolo” seo e bego e tla ba Paseka ya mafelelo e amogelegago le bošego bja mafelelo pele ga lehu la gagwe a le gotee le balatedi ba gagwe ba kgaufsi-ufsi bao ba ilego ba sepela le yena karolong e kgolo ya bodiredi bja gagwe. Bofelong bja dijo tšeo tša Paseka, Jesu o ile a ba botša ka monyanya o mofsa wo o bego o tla binwa ke balatedi ba gagwe ka moka nakong e tlago. Beine ya monyanya woo wa Bokriste wa nakong e tlago e be e tla emela madi a “kxwêranô e mphsa” yeo e bego e tla tšea legato la kgwerano ya Molao.​—Luka 22:20.