Tšwelang Pele, Lena Badiredi ba Mmušo!

1. Tšwelang pele le kwatša Mmušo

Bathong ’nageng ka moka.

Ka go rata baagišani,

Le thuše ba boleta.

Go direla Jah ke tokelo;

Re kwatša ’ntšu ka go thaba.

Eyang tšhemong ’me le bolele;

Le hlatseleng ’ina la Jah.

2. Batho ba Jah ba swere tsela

Ya go ba fa bophelo.

Re latela Moren’a rena

Re hlatswitše dipelo.

Ditaba tše botse tša Mmušo

Anke di tsebatšwe gohle.

Re di kwatša ka matla a Jah;

Le gatee ga re tšhoge!

3. Mašaledi le ’nku tše dingwe,

Re dula re le kwanong.

Ba bafsa goba ba bagolo

Re sepela therešong.

Re dira tirelo e kgethwa

’Me ga re ithole kgwara.

Re swanelege go Modimo

Ka boitshwaro bja rena.