Kopelo 62
Bagaugedi ba a Thaba!
1. Ba nago le kgaugelo
E ba tlišetša lethabo.
Ba re go batho ba toka:
“Modimo o a gaugela.”
Modim’a bontšha kgaugelo
Ka go re nea topollo.
Baloki o’a ba gaugela,
O tseba ge re fokola.
2. Go šego bagaugedi
Ge ba lebaletšwe dibe.
Ba holwa ke kgaugelo
Ya Kriste ka poelanyo.
Ba bontšha go gaugela
Ka go bolela ’Ntšu la Jah.
Ba re: “Batho le hlalale
Ka ge Mmušo o theilwe.”
3. Ba laetšago kgaugelo
Ga ba boife kahlolo.
Ba na le seka sa botho,
Ba etša yena Modimo.
A re laetšeng seka se
Go batho dinakong tšohle.
Ka mokgwa wo re ekiša
Modim’a rena Jehofa.
(POSTLUDE)
Ba nago le kgaugelo
Ruri ba kgahla Modimo.