Kopelo 34
Go Phelela Leina la Rena
1. Wena Jehofa Ramatla ka moka,
O na letoka o yo lerato.
O morereši, ’me o yo bohlale
Gomme o Kgoši ya legodimo.
Tlholo e bontšha letago la gago.
O retwa ke ’kete tša barongwa.
O re reile Dihlatse tša gago.
A re pheleleng ’ina la rena!
2. Re thuše go go godiša ka mehla
Le gore re fepe dinku tša ’go;
’Me re latele mohlala wa Jesu,
Gape re be bao ba mo kwago.
Re tla itshwara gabotse ka mehla
’Ina la ’go le se tlo gobošwa.
Go ba Dihlatse tša ’go ke tokelo.
A re pheleleng ’ina la rena!
3. Ka ge re le tirelong ye ya gago,
Re dirišana, re le ba khutšo,
Re dula re kgotsofetše ka mehla.
Re go opelela ka lethabo.
Anke re phelele ’ina la rena.
Re fe therešo bathong ka moka.
Go feta tšohle re tla go kgahliša
Wena Jehofa, Kgoši ya rena!