Kopelo 180
Puku Yeo e Lego ya Modimo ke Lehumo
1. Go na le Puku yeo ’taba tša yona
Di fago khutšo le kholofelo.
’Me e rwele dikgopolo tše matla.
E nea bao ba “hwago” bophelo.
Puku ye e bohlokwa ke Beibele.
E ngwadilwe ka thušo ya moya
Ke batho bao ba ratago Jehofa,
Ba go tlala ka moyamokgethwa.
2. Ba ngwadile ka tlholo ya Modimo
Ge a bopa legohle ka matla;
Le ge motho a be a phethagetše
Le tša ge Paradeis’ e lahlega.
Ba buša ba re botša ka morongwa
Wa go nyatša Modimo Jehofa.
’Nyatšo le la baka sebe le dillo.
Fela Jehofa o sa tlo fenya.
3. Lehono rena re tletše lethabo
Ka ge Mmušo wa Kriste o tswetšwe.
Jehofa mo nakong ye o phološa
Ba lego go la ’gwe lehlakore.
’Taba tše di hwetšwa Pukung ya gagwe
Ye e lego ya bohlokwahlokwa.
E nea kholofelo ya makgonthe.
A taba e botse go anegwa!