Kopelo 92

Bolelang ka Sebete

(Ditiro 4:13, 2NW)

1. Bahlanka bohle ba Jehofa

Ba phafogele go hlaselwa.

Matla a tšwa ’Ntšung la Modimo

Le go gašeng tše re di kwelego.

’Ntšu la Modimo le fa matla.

Le re thuša go tseparela.

Bjalo ka baapostola kgale,

A re tieng ’me re kgotlelele.

2. Ka ge re ena le tumelo

’Ntšung la Jehofa la therešo,

Ga re tšhabe badiradibe

Ešita le ge re se bakae.

’Kgopolo a di be tirelong

Re be re fihle kua bofelong.

Ka go ruta ’nageng ka moka,

Jehofa a be Mogwer’a rena.

3. Ba fokolago re ba thuše

Gore le bona ba bolele.

Re se lebale le ba bafsa;

Ba tle ba gole, ba be le matla.

A re kgothatšeng ba ba llago

Ka gore ba bote Modimo.

O tlo buša ’faseng ka moka

Gomme ditšhaba di tla mo reta.