Kopelo 221

Bafsa! Ekišang Tumelo ya Bona

(Ba-Hebere 6:12)

1. Samuele e mofsa a ya kua Silo

Go ba tirelong ka ntlong ya Modimo.

O porofetile kua Isiraele,

’Me a ba Moitlami wa makgonthe.

’Me barwa ba Eli ba be ba sa kwe.

Na ba sentše Samuele e mon’nyane?

Samuele o dutše a botagetše.

Jehofa ruri a mo kgomaretše.

2. Timotheo mofsa ge a sa gola

A ithuta Mangwalo a makgethwa.

A diriša tšeo a di rutilwego.

A leka go ba yo a botegago.

O ile a ratwa le ke phuthego.

Ka gona a retwa go se pelaelo.

A atlwa ka go sepela le Paulo,

Tirelo ya ’gwe ya eba kgothatšo.

3. ’Kgaitšedi tše difsa nke le gopole

Ngwanenyana yola wa Isiraele.

A bontšha tumelo ge a thopilwe.

Phišego ya ’gwe ya thuša ba bangwe.

A re go mosadi wa Naemane:

‘Jehofa o n’e mothomofodiši.

’MoSiria Naemane a mo kwa;

A holwa ke tiro ya ngwanenyana.

4. Ba bafsa ka moka re’a le kgothatša:

Ekišang mehlala ye ya go loka.

Re n’e kholofelo mehleng ya rena.

Modim’o kgetha ba go nyak’o rongwa.

Ka gona etlang le rena hlabanong.

Le batho ba Jah nke le tie tokong.

A re mo reteng re kwatše temošo;

Re putswe ka letšatši la bofelo.