Kopelo 130
Tirelo ye e Thabišago
1. Jah a re mo direleng ka lethabo.
Modirong wa gagwe re tliše dimpho.
Lege e ka ba ’mpho tše dinyenyane,
Ka pelo go yena re ineetše.
2. Jehofa o n’e modiro wa bohle
Ka ge go bitšwa babuni ka gohle.
Modim’o re file thomo e kgethwa.
Modirong wa ’gwe o’a re šegofatša.
3. Lege batho therešo ba e gana,
Fela Jah a ka se ke a aketša.
Ka gona a re ruteng ka sebete.
’Ntšung la Jah re dule re holofetše.
4. Lege re thabela tirelo ya ’gwe
’Me re leka gore bohle ba re kwe,
Re leboga ge Modimo wa rena
A re rata gomme a re diriša.