Kopelo 75
Go Reta Jehofa ka Mekgolokwane
1.Re reta ka go hlalala,
Gomme re tletše lethabo,
Ka ge Jehofa a re fa
Dilo tšohle ka botlalo.
Ka fao re mo opelela
Theto ka mekgolokwane.
Ditebogo re di iša go Jah,
Yena a ka se re lahle.
2. O re rometše Morw’a ’gwe
Go tlo re nea phološo.
Re reta ’ina la gagwe
Ka kopelo le megobo.
Re ka se mo hlanogele;
Kwano ye ke e bohlokwa.
Lerato go Jah le ka se fele,
Le tla dula le le gona.
3. Ke yo matla, wa letago.
Re rata ge a re hlahla.
Re fišegela tirelo
Gore re se tlo mo lahla.
O re khutiša diphegong
Tša ’gwe go re šireletša.
Dipelo tša rena di lethabong;
’Me di a mo opelela.