Kopelo 147
Mahumo a le ka Mohla a sa Felego
1. Tate wa magodimong re leboga
Ge therešo re’e kwešiša (ka botlalo).
Go ruta ka Mmušo’a ’go ke tokelo
E kgolo bjang mo go rena!
2. Lerato, bohlale le matla a ’go
Di tloga di re ruthetša (ka dipelong).
Gobane re n’e Mophološi Jesu,
Ke ka gona ge re thaba.
3. Bogwera le wena ke tšhegofatšo.
Re ka hlwa re sa tsoma’ng na? (Re tsome eng?)
Kgaugelo ye e re neago khutšo,
Re e hwetša mo go wena.
4. Re na le mabak’a go go leboga;
’Ntšu la ’go ke la therešo. (Le ka botwa.)
Baratwa ba gago o a ba atla.
Bao go wena ke lehumo.