Kopelo 164
Bana ke Dimpho tše Botse tše Tšwago go Modimo
1. Bana ke dimpho tša Modimo;
Re ba tlwaetše, re ba rute.
Bjalo ka mesebe seatleng,
Re ba hlahle gore ba nepe.
Ke dimpho tša ’gwe.
A re: ‘Ba laye.
’Fela o ba bontšhe lerato
Gape o rapelele tlhahlo.
2. Maikwelo pelong ya mofsa
A ka utollwa ka bohlale.
Ka go thoma ngwana bon’nyaneng,
Therešo e ka mela botse.
Re ka ba thuša
E s’e ba bafsa.
Ruri Modim’o tlo go thuša
Ge ’Ntšu la ’gwe o le diriša.
3. Ka poledišano ka mehla
Bana ba tla fo lokologa
Go bolela ba se na poifo;
Re tla ba bagwera ba bona.
Se ba omanye.
Ba bolediše.
Re swanetše go se nyatšege.
Ka ‘mesebe’ re betše botse.
4. Bana, lona lefa la rena,
E tloga e le ba Modimo.
Ke seenywa se se holago
Ge ba rutwa tše lokilego.
Re holofela
Gore ba tla kwa.
Re tla amogela moputso
Ge re ba ruta ka tshwanelo.