Kopelo 100
Tumišang Jehofa Modimo wa Rena!
1. Tumišang Yena Jehofa.
Bolelang bogolo bja gagwe.
Hlalalang! Mo opeleleng!
O bopile tšohle legohleng.
Mediro ya ’gwe e utolla
Dika tša matla le lerato.
O na le toka le bohlale,
Matla le yona phišego.
Tumišang Yena Jehofa.
Bolelang bogolo bja ’gwe!
2. Tumišang Yena Jehofa.
Tsebišang go loka ga gagwe.
Goeletšang! Ke yo botho bjang!
O na le kgaugelo e kaakang!
Lege e le Mogale wa ntwa,
Fela ruri ke yo boleta.
Ba mo tsomago o’a ba lota
’Me o a ba gaugela.
Tumišang Yena Jehofa.
Tsebišang go loka ga ’gwe!
3. Tumišang Yena Jehofa.
Goeletšang ka Mmušo wa gagwe.
Mo reteng! Retang Jehofa
Bathong ba lefase ka moka.
Kgoši Kriste bjale o’a buša.
Jehofa a ke a tumišwe.
Re tla mmotegela go tšohle
Re be re mo opelele.
Tumišang Yena Jehofa.
Goeletšang ka Mmušo wa ’gwe!