Kopelo 131
Go Kgomarela Jehofa Modimo wa Rena
1. Rena badiredi ba Jah re “lapa” la ’gwe.
Re ba gagwe fela, ka gona re mo rate.
Ga re sa rapela medimo ya maaka.
Re fo kgomarela go Tate Jehofa.
Therešo ya ’gwe e be ’pelong tša rena.
2. ’Kholofetšo tša ’gwe le tšona dipolelo
Di tla fo phethega, a tloše kgatelelo!
O tla fetša dintwa ka tlase ga Mmušo.
Re’a mo kgomarela, re mo fa kgodišo,
’Me ke yena fela mothopo wa khutšo.
3. Beibele ya gagwe re fele re e bala
’Me re kgomarele go Modimo ka matla.
A re ithuteng go dula re mo rata.
Morero le thato ya gagwe go rena
Di dule ka mehla e le tše bohlokwa.