Kopelo 16
Thabelang Kholofelo ya Mmušo!
1. Hlalalang! Hlalalang!
Amogelang kholofelo!
Hlalalang! Hlalalang!
Mmušo o kgaufsi!
Tumišang Mmušo’a Modimo
Le n’e go fišega.
’Taba tša Mmušo o tlago
Di kwatšeng ka matla.
Hlalalang! Hlalalang!
Tsebišang ka kholofelo.
Hlalalang! Hlalalang!
Mmušo o kgaufsi!
2. Gobelang! Gobelang!
Swarelelang kholofelong!
Gobelang! Gobelang!
Dulang le sa boife!
Bontšhang tumelo e matla,
Le se be le dihlong.
Tiang le se ke la tapa,
Le ntšhitšwe tahlegong.
Gobelang! Gobelang!
Le ithekgeng ka Jehofa.
Gobelang! Gobelang!
Le pheme Sathane!
3. Opelang! Opelang!
Re holofetše go Mmušo!
Opelang! Opelang!
Hlankelang Modimo!
Dienywa di a kgobelwa,
Ke nako ya puno.
Dinku tša Jah di a tlišwa,
Go phethwa modiro.
Opelang! Opelang!
Retang monei wa matla.
Opelang! Opelang!
Le’e ba botegago!