Kopelo 21
Tumišang Mmušo wa Jehofa!
1. Tumišang Mmušo’a Jehofa
Lena bohle Bakriste.
O ’atleng tša Morwa wa ’gwe
E lego Mikaele.
Mikaele legodimong
O rakile Sathane.
Bjale o tla kgonyeletšwa
Moleteng wa lefsifsi.
2. “Mašaledi” a’a tumiše
Mmušo wa Modimo Jah.
Ba tla buša mo go wona
’Me e be Majabohwa.
Bao le sego mašaledi
Ba thušeng bodireding
Bja go phatlalatša
Mmušo Ditšhabeng tšohle ’faseng.
3. Goeletšang, tlalang lethabo!
Bolelang ka phišego.
Thušang baikokobetši
Go ba ba kgahlegago.
Tsebišang Mmušo’a Modimo
Le mehola ya wona.
O tla tliša tšhegofatšo,
O tumiše Jehofa.