Go Ithuta Poroutšha ya Dulang le Phakgame!
Diphuthego lefaseng ka bophara di tla ithuta poroutšha ya Dulang le Phakgame! dibekeng tša May 23 go ya go June 20, 2005, Thutong ya Puku ya Phuthego. Hle dirišang dipotšišo tše di latelago ge le lokišeletša seboka se le go se swara. Nakong ya thuto, balang taba e gatišitšwego gomme le bale le mangwalo ao a bontšhitšwego ge nako e dumela.
Beke ya May 23
◼ Matlakala 3-4: Ke maemo afe ao a lokeleditšwego mo ao a ilego a kgoma bophelo bja gago ka mo go kgethegilego? Ke’ng se se go bontšhago gore maemo a ga e fo ba feela ditiragalo tša lefelong la geno?
◼ Letlakala 5: Ke’ng seo se go kgodišago gore ruri Modimo o na le taba le batho? Ke’ng se se ka bontšhago gore re na le taba gakaaka’ng le Modimo le ka seo a se dirago?
◼ Matlakala 6-8: Mateo 24:1-8, 14 e re’ng mabapi le seo se bolelwago ke maemo a gona bjale a lefase? Go etša ge go bontšhitšwe go 2 Timotheo 3:1-5, re phela nakong efe gona bjale? Ye ke mehla ya bofelo bja eng? Ke’ng seo se go kgodišago gore ruri Beibele ke Lentšu la Modimo? Mmušo wo re o tsebatšago ke eng?
◼ Matlakala 9-10: Ke ka baka la’ng re swanetše naganišiša ka kelohloko diphetho tša rena tša letšatši le letšatši le dilo tša rena tše di tlago pele bophelong? (Ba-Roma 2:6; Ba-Gal. 6:7) Ge o dutše o hlahloba dipotšišo tše di lego go letlakala 10, ke mangwalo afe ao a tlago monaganong wa gago ao a swanetšego go go tutuetša go seo o se dirago?
Beke ya May 30
◼ Letlakala 11: Ke ka baka la’ng rena ka noši re swanetše go ela hloko dipotšišo tše di botšišitšwego mo letlakaleng le? (1 Ba-Kor. 10:12; Ba-Ef. 6:10-18) Dikarabo tša rena dipotšišong tše di utolla’ng mabapi le kamoo re tšeelago godimo ka gona keletšo e lego go Mateo 24:44?
◼ Matlakala 12-14: “Nakô ya kahlolô” yeo go boletšwego ka yona go Kutollo 14:6, 7 ke eng? Ke’ng se se bolelwago ke go ‘boifa Modimo le go mo reta’? Babele o Mogolo ke’ng, le gona e tla diragalelwa ke’ng? Re swanetše go gata mogato ofe gona bjale mabapi le Babele o Mogolo? Ke’ng se sengwe seo se akaretšwago nakong yeo e boletšwego e sa le pele ya kahlolo? Go se tsebe ga rena “letšatši le nakô” ya kahlolo ya Modimo yeo e boletšwego e sa le pele go ba le mafelelo afe go rena? (Mat. 25:13)
◼ Letlakala 15: Kgang ya legohle ke efe, le gona e re kgoma bjang re le motho ka o tee ka o tee?
◼ Matlakala 16-19: “Maxodimo a mafsa” le “lefase le lefsa” ke eng? (2 Pet. 3:13) Ke mang yo a holofetšago dilo tše? Ke diphetogo dife tšeo di tlago go tlišwa ke magodimo a mafsa le lefase le lefsa? Na rena ka noši re tla holwa ke tšona?
Beke ya June 6
◼ Matlakala 20-1: Ke temošo efe mabapi le go tšhaba yeo Jesu a ilego a e nea balatedi ba gagwe ba lekgolong la pele la nywaga? (Luka 21:20, 21) Go tšhaba mo go bjalo go ile gwa kgonega neng? Ke ka baka la’ng go be go akgofile gore ba tšhabe ka ntle le go diega? (Mat. 24:16-18, 21) Ke ka baka la’ng batho ba bantši ba hlokomologa ditemošo? Batho ba dikete kua China le Philippines ba ile ba holwa bjang ka go theetša ditemošo tše di botegago? Ke ka baka la’ng e le mo go akgofilego kudu-kudu go kwa temošo ya Beibele mabapi le bofelo bja tshepedišo ya gona bjale ya dilo? Ka baka la go akgofa mo mo gogolo, re na le boikarabelo bofe? (Die. 24:11, 12)
◼ Matlakala 22-3: Kua Australia ka 1974 le kua Columbia ka 1985, ke ka baka la’ng ba bantši ba ile ba hlokomologa ditemošo tša mabapi le kotsi, gomme ka mafelelo afe? O nagana gore nkabe o ile wa arabela bjang ditemošong tše, gona ka baka la’ng? Ke’ng se se ka bontšhago ge e ba nkabe re ile ra theetša temošo ya mehleng ya Noage? Ke ka baka la’ng batho ba be ba nyaka go dula Sodoma ya bogologolo le mafelong a kgaufsi le yona? Re ka holwa bjang ke go naganišiša kudu ka seo se diregilego kua Sodoma?
Beke ya June 13
◼ Matlakala 24-7: Diriša “Dipotšišo tša Thuto” tše di lego go letlakala 27.
Beke ya June 20
◼ Matlakala 28-31: Diriša “Dipotšišo tša Thuto” tše di lego go letlakala 31.
Go hlahloba ga rena poroutšha ye go tla re thuša gore re ‘dule re phakgame’ gomme re ipontšhe re itokišitše. Anke bodiredi bja rena bja phatlalatša ka mehla bo bontšhe go akgofa ga seo morongwa a ilego a se tsebatša ge a re: “Boifang Modimo Le rêtê Yêna, xobane nakô ya kahlolô ya xaxwe e tlile.”—Mat. 24:42, 44; Kut. 14:7.