५३ मूर्खले मनमनै भन्छ:

“यहोवा हुनुहुन्‍न।”+

तिनीहरूका कामहरू खराब छन्‌, भ्रष्ट र घृणित छन्‌।

असल काम गर्ने कोही छैन।+

 २ तर बुद्धिमान्‌* कोही छ कि, यहोवालाई खोज्ने कोही छ कि+ भनेर

परमेश्‍वर स्वर्गबाट मानिसहरूलाई+ हेर्नुहुन्छ।

 ३ तिनीहरू सबै तर्केका छन्‌;

तिनीहरू सबै भ्रष्ट भएका छन्‌।

असल काम गर्ने कोही छैन,

अहँ, एक जना पनि छैन।+

 ४ के दुष्टहरूमध्ये कसैको पनि समझ छैन?

तिनीहरू मेरा मानिसहरूलाई रोटीझैँ खर्लप्प पार्छन्‌।

तिनीहरू यहोवालाई पुकार्दैनन्‌।+

 ५ तर तिनीहरूलाई त्रासले छोप्नेछ;

यस्तो त्रास, जुन तिनीहरूले पहिला कहिल्यै महसुस गरेका थिएनन्‌।*

किनकि तिमीहरूलाई आक्रमण गर्नेहरूको* हड्डी परमेश्‍वरले छरपस्ट पारिदिनुहुनेछ।

तिमीहरूले तिनीहरूलाई लाजमा पार्नेछौ किनकि यहोवाले तिनीहरूलाई तिरस्कार गर्नुभएको छ।

 ६ इस्राएलको उद्धार सियोनबाटै आओस्‌!+

कैदमा परेका आफ्ना मानिसहरूलाई यहोवाले फर्काउनुहुँदा

याकुब रमाओस्‌, इस्राएल आनन्दित होस्‌!