६ “हे मेरा परमेश्‍वर! म यत्ति लज्जित र अपमानित भएको छु कि म आफ्नो अनुहार तपाईँतिर फर्काउन सक्दिनँ। किनकि हे मेरा परमेश्‍वर, हाम्रा पापहरू ज्यादै धेरै छन्‌ र हाम्रो दोष स्वर्गसम्मै पुगेको छ।+

२६ “तर तिनीहरू अनाज्ञाकारी भए र तपाईँको विद्रोह गर्न थाले।+ तिनीहरूले तपाईँको व्यवस्थातर्फ पिठिउँ फर्काए। तिनीहरूलाई तपाईँकहाँ फर्काएर ल्याउन तिनीहरूलाई चेतावनी दिने तपाईँका भविष्यवक्‍ताहरूलाई तिनीहरूले मारे। यसरी तिनीहरूले साह्रै खराब कामहरू गरेर तपाईँको अपमान गरे।+

१८ “एप्रैमले यसो भन्दै सुस्केरा हालेको मैले सुनेको छु,

‘म त हलो जोत्ने तालिम नपाएको बाछोजस्तै थिएँ।

तपाईँले मलाई सुधार्नुभयो र म सुध्रिएँ।

मलाई फर्काउनुहोस्‌ र म खुसी-खुसी फर्कनेछु

किनकि तपाईँ मेरा परमेश्‍वर यहोवा हुनुहुन्छ।

९ अनि जो-जो उम्कन्छन्‌, तिनीहरूले आफूलाई बन्दी बनाएर लगिएको ठाउँमा मलाई सम्झनेछन्‌।+ तिनीहरूको हृदय विश्‍वासघाती भएर* मबाट तर्किएकोले+ र तिनीहरूका आँखा कामुक भएर घिनलाग्दा मूर्तिहरूको पछि लागेकोले+ मेरो मन कत्ति दुःखी भएको थियो भनेर तिनीहरूले बुझ्नेछन्‌। आफूले गरेका सबै खराब र घिनलाग्दा कामहरूका कारण तिनीहरू लाजमा पर्नेछन्‌ र ती कामहरूलाई घृणा गर्नेछन्‌।+