१४ परमेश्‍वरले त्यस देशमा तिमीहरूलाई ठीक-ठीक समयमा आकाशबाट पानी दिनुहुनेछ। शरद्‌ र वसन्त ऋतुको वर्षा समयमै हुनेछ अनि तिमीहरूले आ-आफ्नो अन्‍न भित्र्याउनेछौ, नयाँ मद्य बनाउनेछौ र तेल पेल्नेछौ।+

२२ जातिजातिका व्यर्थका मूर्तिहरूले झरी बर्साउन सक्छन्‌ र?

अथवा के आकाश आफैले पानी बर्साउन सक्छ र?

हे यहोवा, हाम्रा परमेश्‍वर! त्यसो गर्न सक्ने त तपाईँ मात्र हुनुहुन्छ।+

हामी तपाईँमै भर पर्छौँ

किनकि यी सब गर्ने तपाईँ नै हुनुहुन्छ।

१६ उहाँ बोल्दा

आकाशका पानीहरू छचल्किन्छन्‌;

पृथ्वीको पल्लो छेउदेखि उहाँले कुहिरो उठाउनुहुन्छ।

उहाँ वर्षा गराउन बिजुली चम्काउनुहुन्छ*

अनि आफ्नो भण्डारबाट बतास चलाउनुहुन्छ।+

२६ तिनीहरूलाई र मेरो डाँडावरपरका ठाउँहरूलाई म आशिष्‌ दिनेछु।*+ म ठीक-ठीक समयमा झरी बर्साउनेछु। झरीजस्तै तिनीहरूमाथि आशिष्‌ बर्सनेछ।+

२३ ए सियोनका छोराहरू हो, खुसी होओ र यहोवा तिमीहरूका परमेश्‍वरलाई सम्झेर रमाओ।+

किनकि उहाँले तिमीहरूलाई शरद्‌ ऋतुमा प्रशस्त झरी दिनुहुनेछ,

उहाँले तिमीहरूको लागि पानी बर्साउनुहुनेछ,

पहिले जस्तै उहाँले तिमीहरूको लागि शरद्‌ ऋतुमा र वसन्त ऋतुमा पानी बर्साउनुहुनेछ।+