MBANDU 5

Mu Sanza Linene—Yili a Keva Suku?

Ku thembu ya Nowe bathu benzi bakakhala kulumba byuma byabiha. Gênesis 6:5

Anju za viha zakalihingulula vathu zikasakani vakhetu hano hosi

Andau na Eva bakavala bana, tumbu likakhali na bathu benzi. Zimu mingelu zakalitinga ku ulyangu wa Lyabu.

Abo bobakeya hano hosi. Abo bakalihungulula bathu musitu, bo bakakazala na bakhetu. Bakhetu bakavala bana bakakhala na zikhono za nganzi. Bakakhala baneni na kulumba zingunda.

Mama akandunwina mona wendi vakusola kumulenga; vana va zi anju za viha vakulenga vathu

Tumbu lyakasula na bathu bakakhala kulumba byuma byabiha. Mbimbiliya iti: “Byuma byabiha bathu bakhala kulumba byakalanda hano hosi. Byose bakhala kusoka kumbunge byabiha thembu yosi.”

Nowe wakeva Suku, akatunge arka. Gênesis 6:13, 14, 18, 19, 22

Nowe wakakhala muthu wamboti. Yehova wakamuywela heti akumana bathu babiha ku Sanza linene.

Nowe na kumba yendi vokutunga watu unene

Suku nendi wakaywela phala kutunga watu unene, uli na zina lya Arka, phala kuhaka mwene khumba yendi na bisitu bya ziphiku zosi.

Nowe mukuzimbwila vathu kwakuninga kwakuiya nvula yinene, mazi avuvu vokuyola

Nowe wakakhala kuzimbuila bathu kuthando ya Sanza lya meya, mazi abo kabakakhele kwiva. Abamwe bakakhala kuyola abamwe bakamuzembi.

Nowe na kumba yendi vokufungula zisitu phala kukovela mu watu unene

Aha akamana kutunga watu akakobelesi mwene bisitu.